საქართველოს ფეხბურთის ფედერაციის საპრეზიდენტო არჩევნები დღეს გაიმართება. საარჩევნო ყრილობა სასტუმროში „ჰოლიდეი ინ“ 11:00 საათზე იწყება.

საარჩევნო დელეგატებს შორის საფეხბურთო კლუბები, ასოციაციები და რეგიონული საფეხბურთო ფედერაციები იქნებიან.

აღმასკომის გადაწყვეტილებით, ფეხბურთის ფედერაციის არჩევნებში 35 დელეგატი მიიღებს მონაწილეობას.

ფედერაციის პრეზიდენტობისთვის სამი კანდიდატი - რევაზ არველაძე, ლევან კობიაშვილი და მამუკა კვარაცხელია იბრძოლებს. ფედერაციის პრეზიდენტს ხვალ ოთხი წლის ვადით აირჩევენ.

ფეხბურთის ფედერაციის საპრეზიდენტო არჩევნები მას შემდეგ დაინიშნა, რაც მისმა პრეზიდენტმა ზვიად სიჭინავამ თანამდებობა ვადაზე ადრე დატოვა.

ამჟამად, პრეზიდენტის მოვალეობას ფედერაციის ვიცე-პრეზიდენტი ალექსანდრე ჩივაძე ასრულებს.