სემეკის თავმჯდომარე და კომისიის წევრები „მედია კლუბის“ მონაწილეებს კომისიის საქმიანობას გააცნობენ

საზოგადოება - 12:20, 02 Oct, 2015

1256

საქართველოს ენერგეტიკისა და წყალმომარაგების მარეგულირებელი ეროვნული კომისია (სემეკ) „მედია კლუბის“ მესამე პროექტის მონაწილეებს კომისიის საქმიანობის შესახებ დეტალურ ინფორმაციას მიაწვდის. კომისიის თავმჯდომარე, კომისიის წევრები და აპარატის თანამშრომლები მონაწილეებს წარმოუდგენენ და დეტალურად ისაუბრებენ სატარიფო მეთოდოლოგიების, მომსახურების ხარისხის კონტროლის პროგრამების, ენერგეტიკისა და წყალმომარაგების სექტორების რეგულირების სტანდარტების შესახებ. პროექტის ფარგლებში განიხილება მოქალაქეებსა და ენერგეტიკისა და წყალმომარაგების სექტორებში მოქმედ კომპანიებს შორის არსებული ურთიერთობები, მათი ვალდებულებები, საქართველოსა და ევროპის ენერგეტიკულიკანონმდებლობა. პროექტში მონაწილეობის მიღება შეუძლიათ ჟურნალისტებს, არასამთავრობო სექტორის წარმომადგენლებს და ასევე სხვა დაინტერესებულ პირებს.

პროექტი დაიწყება მიმდინარე წლის ოქტომბერში. ხანგრძლივობა იქნება 2 თვე. ტრენინგების გრაფიკის შედგენისას გათვალისწინებული იქნება მონაწილეთა სამუშაო გრაფიკი.

მონაწილეობის მსურველებმა უნდა შეავსონ სარეგისტრაციო ფორმა http://gnerc.org/ge/media-klubi/mediaklubis-siakhleebi/mediisatvis/16604 და გამოაგზავნონ შემდეგ ელექტრონულ მისამართზე pr@gnerc.org არაუგვიანეს მიმდინარე წლის 4 ოქტომბრისა.

სარეგისტრაციო ფორმა განთავსებულია კომისიის ვებ გვერდზე www.gnerc.org