“თამაზ დოლაბერიძე არის მატყუარა კაცი და თავის ჯიბეზე ზრუნვის მეტს არაფერს აკეთებდა” (ვიდეო)

საზოგადოება - 17:24, 01 Oct, 2015

2422

დაბა კაზრეთში, ადგილობრივმა მოსახლეობის უკმაყოფილება მეტალურგიულ და სამთო მრეწველობის მუშაკთა პროფკავშირების თავმჯდომარის გამოჩენას მოჰყვა

თამაზ დოლაბერიძე დაბა კაზრეთში კომპანიის წინააღმდეგ მიმართული პროკლამაციების გასავრცელებლად იყო ჩასული.

როგორც კომპანიის თანამშრომლები აცხადებენ, აღნიშნული პროკლამაციები მათთვის შეურაცხმყოფელია და მათზე გამოსახული სურათი რეალობას არ შეესაბამება. „არემჯის“ თანამშრომლები იხსენებენ 2014 წლის თებერვალს, როდესაც პროფკავშირის თავმჯდომარემ მუშები უსამართლოდ ააბუნტა და შემდეგ მიატოვა.
„ამა წლის თებერვალში დავწერე განცხადება და წამოვედი პროფკავშირებიდან იმიტომ რომ დოლაბერიძესთან მუშაობა არ შეიძლებოდა. ის არის მატყუარა კაცი და თავის ჯიბეზე ზრუნვის მეტს არაფერს აკეთებდა. ყოველთვიურად „არემჯი გოლდი“ 30 % უხდიდა, მინიმუმ 3000 ლარი მიდიოდა მის ჯიბეში და კიდევ არ ჰყოფნიდა. ბოლოს გვითხრა არ გვყოფნის ეს ფული 6% კიდევ უნდა დაგვიმატოთო!“, - განაცხადა კომპანია „არემჯის“ თანამშრომელმა ავთანდილ ბაქრაძე.

თამაზ დოლაბერიძის განცხადებით, იგი დაბაში ჩავიდა, რათა ადგილობრივებისათვის შეეხსენებინა, რომ საწარმო მასზე აღებულ ვალდებულებებს არ ასრულებს. აღნიშნულ ფაქტს არ ეთანხმებიან კომპანიის თანამშრომლები და დოლაბერიძეს მორიგი სიცრუის გავრცელებაში ადანაშაულებენ.