თბილისის მერიის განათლების, სპორტისა და ახალგაზრდულ საქმეთა საქალაქო სამსახური ამავე უწყების უფროსის გიორგი არეშიძის დიპლომთან დაკავშირებით განცხადებას ავრცელებს.

„ქალაქ თბილისის მუნიციპალიტეტის მერიის განათლების, სპორტისა და ახალგაზრდულ საქმეთა საქალაქო სამსახურის განცხადებით, გიორგი არეშიძე 2010 წელს ჩაირიცხა წმინდა ნიკოლოზის საერთაშორისო სასწავლო უნივერსიტეტში, ჰუმანიტარულ და საზოგადოებრივ მეცნიერებათა ფაკულტეტზე, რომელიც 2014 წელს დაამთავრა. მას მიენიჭა ბაკალავრის აკადემიური ხარისხი საფინანსო, საბანკო და სადაზღვევო საქმის სპეციალობით (დიპლომის ნომერი # 000473). საქალაქო სამსახურის უფროსად გიორგი არეშიძის დანიშვნა თვითმმართველობის შესახებ საქართველოში მოქმედი კანონმდებლობის სრული დაცვით მოხდა.“- აღნიშნულია განცხადებაში.

მერიის მაღალჩინოსნის დიპლომის გასაჯაროებას საერთაშორისო მონიტორინგის ცენტრი ითხოვს.
არასამთავრობო ორგანიზაციის ინფორმაციით, უნივერსიტეტი, რომელიც ენერგეტიკის მინისტრის ცოლის ძმას ოფიციალურად აქვს მითითებული, საერთოდ არ არსებობს. შესაბამისად, არის შესაძლებლობა, რომ არეშიძეს უმაღლესი განათლება არ ქონდეს მიღებული.

არასამთავრობო ორგანიზაცია ითხოვს, თბილისის მერიისგან გასაჯაროვდეს განათლების დამადასტურებელი დოკუმენტი, წინააღმდეგ შემთხვევაში კი ის გათავისუფლდეს დაკავებული თანამდებობიდან.