საქართველოს ფეხურთის ფედერაცია უეფას კრიტიკის ობიექტია. 3 დღეში ცნობილი უნდა გახდეს ფედერაციის ახალი პრეზიდენტის ვინაობა. ევროპის საფეხბურთო გაერთიანება კი ქართულ მხარეს კიდევ ერთ წერილს უგზავნის.

ევროპული ფეხბურთის მმართველი ორგანო (უეფა) ფეხბურთის ფედერაციის პრეზიდენტობის ერთერთ კანდიდატს ლევან კობიაშვილს წერილით პასუხობს. როგორც კურიერისთვის არის ცნობილი, წერილში 3 პუნქტია წარმოდგენილი: პირველი - უეფა საქართველოს ფეხბურთის ფედერაციას აფრთხილებს, რომ ის ვალდებულია დაიცვას საკუთარი წესდება. მეორე - ყრილობას დაესწრებიან უეფას წარმომადგენლები, რათა ადგილზე გაეცნონ ვითარებას და უზრუნველყონ ყველა კანდიდატისთვის თანამაბრი პოირობების არსებობა. და მესამე - უეფა მოუწოდებს არჩევნებში მონაწილე მხარეებს, რომ მოერიდონ უეფას სახელით მანიპულირებას.

ფეხვბურთის ფედერაციის ხელმძღვანელების თქმით ეს არის პირადი მიმოწერა და ამ წერილზე საუბარი უხერხულია.

„ეს კორესპონდენციოა ჩემსა და უეფას შორის ყოველდღიური რეჟიმია. ისევე როგორც ჩვენ ვაწვდით მათ ინფორმაციას, ისინიც ინტერესდებიან - რა ხდება. მოგეხსენებათ, რაღაცა დაგროვილი ფაქტების გამო ფეხბურთის ფედერაციის ვიცეპრეზიდენტმა ერთხელ უკვე მიმართა ოფიციალური წერილით უეფასაც და ფიფასაც, და შემდეგ ამაზეც მოვიდა პასუხი და ზუსტად მანდ გადაწყდა, რომ უეფადან წარმომადგენლობითი დელეგაცია დაესწრებოდა არჩევნების პროცესს“, - განაცხადა საქართველოს ფეხბურთის ფედერაციის გენერალური მდივნის მოვალეობის შემსრულებელმა დიმიტრი ბოკერიამ.

რამდენიმე დღის წინ გააგზავნა წერილი საქართველოს ფეხბურთის ფედერაციის პრეზიდენტობის ერთერთმა კანდიდატმა ლევან კობიაშვილმა უეფაში. მის მსგავსად უეფაში წერილი საქართველოს ეროვნულ ჩემპიონატში მონაწილე კლუბებმაც გაგზავნეს. ამ კლუბებს საქართველოს ფეხბურთის ფედერაციის აღმასრულებელმა კომიტეტმა დელეგატობის სტატუსი არ მიანიჭა.

„26-მა გუნდმა გავგზავნეთ საერთო წერილი იმ, ჩვენი აზრით, პრობლემატური საკითხების შესახებ, რაც თან ახლავს წინა საარჩევნო პერიოდს და ძალიან სასიხარულოა, რომ უეფამ 24 საათში მოახდინა რეაგირება. რის შედეგადაც გვაცნობეს, რომ გამოგზავნიან 2 დამკვირვებელს, საკმაოდ მაღალჩინოსანს, როგორც ჩანს წერილის მიხედვით, რათა დააკვირდეს ამ წინასაარჩევნო პროეცესის დასკვნით ნაწილს და უშუალოდ არჩევნებს“, - აღნიშნა კლუბ „დინამო თბილისის“ დირექტორმა ნიკა ჯანჯღავამ.

კურიერის სურვილის მიუხედავად ლევან კობიაშვილთან გასაუბრება ვერ მოხერხდა. თუმცა როგორც გაირკვა, კობიაშვილი ხვალ 31 სექტემბერს პირველ საათზე ბრიფინგს გამართავს და ყველა კითხვას გასცემს პასუხს.

წყარო: რუსთავი 2