2013 წლის 14 ოქტომბერს, სვეტიცხოვლობას, ქ. თბილისში, ფურცელაძის ქ. #17-ში მდებარე "საცხოვრებელი სახლის ნგრევითი პროცესები დაიწყო". 16 ოქტომბერს „მშენებლაბთან და არქიტექტორებთან ერთობლივი კონსილიუმის საფუძველზე შენობის დემონტაჟი გადაწყდა“ და 17 ოქტომბრიდან "სახლის ავარიული ნაწილის დემონტაჟი" დაიწყო. პროცესი რამდენიმე დღე გაგრძელდა.

მოსახლეობა მთაწმინდის რაიონის გამგეობამ დროებითი ქირით უზრუნველყო. ერთადერთი გამოსავალი, მათ სახლებში დასაბრუნებლად, კერძო ინვესტორის მოძიება გახდა.

მას შემდეგ 2 წელი გავიდა. სახლის ერთ-ერთი ახალგაზრდა მაცხოვრებელი გეგმავს ისაუბროს იმ ამბებზე, რაც მას მეზობლებთან ერთად ამ 2 წლის განმავლობაში გადახდა თავს. შეხვედრა 17 ოქტომბერს, 17:00 საათზე, დანგრეული სახლის ადგილას გაიმართება. ორგანიზატორის თქმით შეხვედრის მიზანი იმ პრაქტიკული რჩევებისა და ინფორმაციის გაზიარებაა, რაც ავარიული სახლების მაცხოვრებლებისთვის იქნება სასარგებლო. დამსწრეები მოისმენენ იმ ამბებს, რომლის მსგავსიც თბილისში ყოველი დანგრეული სახლის მიღმა ვითარდება და განვითარდება, რადგან სამწუხაროდ კიდევ ბევრი სახლი ნგრევის პირასაა ქალაქში.

https://www.facebook.com/events/1479550792341954/

https://www.youtube.com/watch?v=FEPWAIOII4k