ეროვნული ბანკის პრეზიდენტის მიიჩნევს, რომ რეზერვების ხარჯვისგან თავის შეკავება ერთი-ერთი სწორი გადაწყვეტილებაა, რომელიც სებ-მა ბოლო პერიოდის განმავლობაში მიიღო.

ქადაგიძის თქმით, ამ პირობებში ეს რეზერვების განიავება იქნებოდა.

„ის რომ რეზერვების ხარჯვისგან თავი შევიკავეთ, ეს არის სწორი გადაწყვეტილება, რადგან ამ პირობებში ეს იქნებოდა რეზერვების განიავება. თუმცა ვინაიდან სხვა მაკროპარამეტრები უკვე ამოწურულია, ჩვენი სავალუტო ინტერვენციები არის გზავნილი ბაზრების მონაწილეებისთვის, რომ გარკვეულწილად სხვა თანაბარ პირობებში კურსი არის თავის მაქსიმუმზე. ეს იყო ამ ინტერვენციის მთავარი მიზანი და მომავალშიც თუ განხორციელდება სავალუტო ინტერვენციები ჩვენს მიერ, ეს არის ამ ყველაფრის ნაწილი“, - განაცხადა ქადაგიძემ.