მასწავლებელთა პროფესიული განვითარების ცენტრსა და ილიას სახელმწიფო უნივერსიტეტს შორის მემორანდუმი გაფორმდა

საზოგადოება - 16:21, 25 Sep, 2015

1044

მასწავლებელთა პროფესიული განვითარების ეროვნულ ცენტრის დირექტორმა გიორგი მაჩაბელმა და ილიას სახელმწიფო უნივერსიტეტის რექტორმა გიგა ზედანიამ ურთიერთთანამშრომლობის მემორანდუმი გააფორმეს.

მემორანდუმი მიზნად ისახავს ცენტრისა და უნივერსიტეტის ერთობლივი სალაბორატორიო ბაზის გაძლიერებას და მის გამოყენებას როგორც არსებული მასწავლებლების გადამზადების, კვალიფიკაციის ამაღლების და პრაქტიკული უნარ-ჩვევების განვითარების, ისე მაღალი კომპეტენციის მქონე პედაგოგთა მომზადების პროცესში. ამისათვის ცენტრისლაბორატორიების ნაწილი უნივერსიტეტის სხვა ლაბორატორიებთან ერთად დროებით განთავსდება სპეციალურად გამოყოფილ სივრცეში, სადაც წვდომა უფრო მეტ ბენეფიციარს ექნება, ეს კი ხელს შეუწყობს მოქმედი მასწავლებლების, სტუდენტებისა და მეცნიერ-თანამშრომლების მიერ ერთობლივი პროექტების დაგეგმვასა და განხორციელებას.

მემორანდუმის ფარგლებში ილიას სახელმწიფო უნივერსიტეტი ლაბორატორიების განსათავსებლად სპეციალურ სივრცეს გამოყოფს. ერთიანი სალაბორატორიო ბაზის გამოყენებას და ერთობლივი პროექტების განხორციელებას როგორც ზუსტ, საბუნებისმეტყველო და საინფორმაციო ტექნოლოგიების მასწავლებლები, ის სტუდენტები შეძლებენ.

ზუსტ და საბუნებისმეტყველო მეცნიერებათა და საინფორმაციო ტექნოლოგიების განვითარებასაქართველოს სოციალურ-ეკონომიკური განვითარების სტრატეგიის „საქართველო 2020“ ერთ-ერთი პრიორიტეტია. ამ მიმართულებით იგეგმებამოქმედი მასწავლებლების გადამზადება და მასწავლებელთა ახალი თაობის მომზადება, რაც „ზუსტ, საბუნებისმეტყველო და საინფორმაციო-საკომუნიკაციო ტექნოლოგიების მასწავლებელთა პროფესიული განვითარების ხელშეწყობის პროექტის“ ფარგლებში უნდა განხორციელდეს, რომელსაცათასწლეულის გამოწვევის ფონდი 15 მილიონამდე დოლარით დააფინანსებს.