თბილისში, პარლამენტის შენობის წინ საპროტესტო აქცია გაიმართა. ადგილზე პატიმრების ოჯახის წევრები შეიკრიბნენ. მათი ინფორმაციით, 2 მსჯავრდებული 11 დღეა შიმშილობს. აქციის მონაწილეები შესაბამის უწყებებს 2 პატიმრის საქმის გადახედვას სთხოვენ.

„მეთერთმეტე დღეა ბავშვები შიმშილობენ. ისინი ერთ საქმეზე არიან წინა ხელისუფლების მიერ დაპატიმრებული. ჩხუბის გამო ყაჩაღებად შერიცხეს. მივმართავთ ბატონ კახი კახიშვილს, იუსტიციის მინისტრს და მთავარ პროკურორს, რომ გვიშუამდგომლონ სასჯელაღსრულების დეპარტამენტთან და ვადაზე ადრე გაგვითავისუფლონ ბავშვები“, - განაცხადა აქციის ერთ-ერთმა მონაწილემ.