მასწავლებლობის მსურველთა რეგისტრაცია საგნის გამოცდისთვის 30 სექტემბერს დაიწყება

საზოგადოება - 12:53, 25 Sep, 2015

2061

პედაგოგებისა და მასწავლებლობის მსურველთა რეგისტრაცია საგნის გამოცდისთვის 30 სექტემბერს 10:00 საათზე დაიწყება და 13 ოქტომბრის 18:00 საათამდე გაგრძელდება. გამოცდას კი აპლიკანტები იანვარში ჩააბარებენ.

გამოცდაზე გასვლის უფლება აქვს:

პრაქტიკოს მასწავლებელს;ბაკალავრის, მაგისტრის და/ან მათთან გათანაბრებული აკადემიური ხარისხის მქონე პირს, რომელსაც მიღებული აქვს ეროვნული სასწავლო გეგმის შესაბამისი საგნის/საგნობრივი ჯგუფის აკადემიური ხარისხი;მასწავლებლობის მსურველს, რომელსაც დიპლომის საფუძველზე აქვს მასწავლებლობის უფლება.

2016 წლიდან მსურველებს საგნის გამოცდის ჩაბარების შესაძლებლობა წელიწადში ორჯერ - ზამთარსა და ზაფხულში ექნებათ.
ისინი გამოცდას ეროვნული სასწავლო გეგმით გათვალისწინებულ შემდეგ საგნებში ჩააბარებენ:ქართული ენა და ლიტერატურა (I-VI კლასები);მათემატიკა (I-VI კლასები);ბუნებისმეტყველება (I-VI კლასები);ქართული ენა და ლიტერატურა,მათემატიკა და ბუნებისმეტყველება (I-IV კლასები);ქართული ენა და ლიტერატურა (VII-XII კლასები);ქართული, როგორც მეორე ენა (I-XII კლასები);მათემატიკა (VII-XII კლასები);ისტორია;გეოგრაფია;სამოქალაქო განათლება;ფიზიკა;ქიმია;ბიოლოგია;ინგლისური;გერმანული;ფრანგული;რუსული;სახვითი და გამოყენებითი ხელოვნება;ინფორმაციული და საკომუნიკაციო ტექნოლოგიები.
პრაქტიკოსი მასწავლებლებისათვის რეგისტრაცია უფასო.

მასწავლებლობის მსურველი აპლიკანტები კი გადაიხდიან 50 ლარს.

ყველა აპლიკანტს უფლება აქვს დარეგისტრირდეს ელექტრონულად (მხოლოდ ერთი საგნის გამოცდის ჩასაბარებლად) ვებგვერდებზე: www.naec.ge და online.naec.ge.

მასწავლებლობის მსურველებმა პარალელურად რეგისტრაცია უნდა გაიარონ საგანმანათლებლო რესურსცენტრებში.

აპლიკანტმა რესურსცენტრში უნდა წარადგინოს შემდეგი დოკუმენტები:პირადობის დამადასტურებელი დოკუმენტის ასლი;განათლების დამადასტურებელი დოკუმენტის კანონმდებლობით დადგენილი წესით დამოწმებული ასლი.
მუსიკისა და სპორტის მასწავლებლები გამოცდებისათვის რეგისტრაციას გაზაფხულზე შეძლებენ. მათ საშუალება ექნებათ საგნის გამოცდა ივლისის თვეში ჩააბარონ.

დამხმარე კრებულები განთავსებულია შეფასებისა და გამოცდების ეროვნული ცენტრის ვებგვერდზე: www.naec.ge