ავღანეთში გარდაცვლილ ქართველ სამხედროს ვასილ ყულჯანიშვილს სამშობლოში დღეს ჩამოსვენებენ. ამის შესახებ თავდაცვის მინისტრმა განაცხადა. ყულჯანაშვილს ოჯახის გადაწყვეტილებით რუსთავში სამშაბათს დაკრძალავენ.

"დაგვიდასტურა ავღანეთმა, სარდლობამ, ხვალ მოხდება ჩამოსვენება თბილისში, სპეციალური ამერიკული თვითმფრინავით ჩამოასვენებენ. ოჯახის გადაწყვეტილებით, სამშაბათს იქნება დაკრძალვა. საბედნიეროდ მოვახერხეთ, რომ პროცედურა შეგვემოკლებინა და მინიმალურ ვადებში დასრულდა ექსპერტიზა“, - განაცხადა ხიდაშელმა.

ყულჯანაშვილი ავღანეთში, „მტკიცე მხარდაჭერის“ მისიის შესრულების დაიღუპა. პატრულირების დროს დაიჭრა საქართველოს შეიარაღებული ძალების IV მექანიზირებული ბრიგადის 43-ე ბატალიონის სერჟანტი პაატა ზაურის ძე როსტობაია. 43-ე ბატალიონის მთავარი სამხედრო ექიმის განცხადებით, სერჟანტ პაატა როსტობაიას მდგომარეობა სტაბილურია.