გურჯაანის რაიონის სოფელ კარდენახში მევენახე გელა გრიშენკომ პროტესტის ნიშნად ვაზი გაჩეხა. ამის მიზეზი ჩასაბარებელი ყურძნის დაბალი ფასი აღმოჩნდა.

მისი თქმით, ყურძნის ქარხანასთან რიგში რამდენიმე დღე გაატარა, რის შემდეგაც დაპირებული 70 თეთრის ნაცვლად ყურძენში 60 თეთრი გადაუხადეს. გრიშენკომ 10 რიგი ვაზი გაჩეხა. როგორც ის ამბობს, თუ ყურძნის ფასი არ გაიზრდება, ვაზს მთლიანად გაანადგურებს.

"ჩამოვიდეს მინისტრი და შეხედოს ეს ყურძენი 60 თეთრიანია? სად არის ბიძინა ივანიშვილის დაპირება, რომ ყურძენი 1 ლარი ეღირებოდა?" - აცხადებს მევენახე „რუსთავი 2“-თან საუბარში.