"მონსტრები რომლებმაც ეს ქვეყანა გაანადგურეს... პრეზიდენტის ზიზღის გამო ბოდიშს არ ვიხდი"- ამაშუკელი

საზოგადოება - 16:26, 18 Sep, 2015

8013

ამაშუკელის განცხადებით, საქართველოში პატრიოტი ადამიანების წინააღმდეგ ბრძოლა მიდის. ამაშუკელი იმ ადამიანებსაც ასახელებს, რომელიც მისი აზრით ქართულ სულიერებას ებრძვიან:

„ჩემი ქვეყანა ბიოლოგიური განადგურების წინაშე დგას და რა თავში ვიხალო იურიდიული მართლწერები და დემოკრატიული ღირებულებები. დაუკვირდით ნებისმირ სფეროს რა უქნეს. განადგურებულია საზოგადოების სულიერების ყველა რეგისტრი. ოჯახი კი ამათთვის სასაცილოა.

სამი უმთავრესი მონსტრი რომელმაც ეს ქვეყანა გაანადგურა, ეს არის მიხეილ სააკაშვილი, გიგა ბოკერია და რასაკვირველია ლევან ბერძენიშვილი. მოსპეს სულყველაფერი“- აცხადებს რეზო ამაშუკელი.

რეზო ამაშუკელი „რესპუბლიკურ“ პარტიას აკრიტიკებს, თუმცა აცხადებს, რომ დავით უსუფაშვილი სხვებთან შედარებით კარგად იქცევა. მისი თქმით რესპუბლიკელები ღარიბაშვილს ებრძვიან, მაგრამ ამაშუკელი პირობას დებს რომ პრემიერის დასაცავად ყველაფერს გააკეთებს:

„არ დავაგლეჯინებთ მაგას არავის, გადავეფარებით მთელი საქართველო, მარტო მე კი არა ხალხს უყვარს ირაკლი ღარიბაშვილი.“- აცხადებს რეზო ამაშუკელი

ამაშუკელი პრეზიდენტ მარგველაშვილსაც აკრიტიკებს და აცხადებს, რომ ის თავის გარშემო ადამიანების გარკვეული წრეს იკრებს

"სამკვდრო სასიცოცხლო ომი იწყება, პრეზიდენტი არის ის მიზიდულობის ცენტრი, რომელიც გარშემო შემოიკრებს იმ ძალებს, რომლებიც ეცდებიან, რომ ყველაფერი ქართული დაანგრიონ, მოსპონ და გაანადგურონ. ახლა უკვე ბოლო ფაზაში შედის. მთელი ყურადრება აქეთ უნდა იყოს მიმართული, რაც დრო გადის უფრო საშინელებებს ჩაიდენს. ყურადღება უნდა იყოს მიმართული ამ სავარძლისკენ, მე ბოდიშს არ ვიხდი იმ ზიზღის გამო რაც მაქვს მის მიმართ."- განაცხადა რეზო ამაშუკელმა "ობიექტივის" ეთერში.