რწმუნებულებზე „შეწერილი“ საჩუქრების თანხა და ჭკუასელის "ხონჩა" პირველკლასელებს

საზოგადოება - 18:20, 17 Sep, 2015

2769

ჩოხატაურში, ახალ სასწავლო წელს 214 პირვეკლასელიდან დეპუტატ ჭკუასელის სასაჩუქრე „ხონჩა“, რომელშიც წვრილმანი სასკოლო ნივთები შედიოდა, მხოლოდ 60-მა პირველკლასელმა მიიღო, დანარჩენებს კი, საჩუქრები სოფლის რწმუნებულებმა და გამგეობის თანამშრომლებმა ჭკუასელის სატელეფონო ზარის შემდეგ შეუძინეს.

გავრცელდა ინფორმაცია, რომ დეპუტატის მიერ ნაყიდი საჩუქრების თანხა ჩოხატაურის მუნიციპალიტეტის გამგეობიდან გადარიცხეს.

ჭკუასელის ამ გადაწყვეტილებას, ჩოხატაურში საზოგადოების მხრიდან უარყოფითი შეფასება მოჰყვა. მოსახლეობის ნაწილი მიიჩნევს, რომ დეპუტატს საჩუქარი ყველა პირვეკლასელისათვის უნდა ეყიდა. ნაწილი კი ფიქრობს, რომ ჭკუასელი არჩევიდან დღემდე, არავის უნახავს და რაც გამოაგზავნა, ესეც დიდი „მიღწევა“ იყო.

„დეპუტატი, რომელიც არჩევიდან დღემდე არავის არ უნახავს, სასექტემბროდ პირველკლასელების ნაწილს საჩუქრები გამოუგზავნა და ნაწილი გამგეობის ხალხს აყიდინა, ასეთი სამარცხვინო ფაქტი არც ერთ დეპუტატს არ გაუკეთებია. როგორც ჩანს, არ ჰქონდა დეპუტატს იმის საშუალება, ყველა პირველკლასელისთვის ეყიდა რვეული და პასტა?“, - აცხადებს ჩოხატაურში ერთ-ერთი სკოლის პედაგოგი.

ის რომ პირვეკლასელების ნაწილს საჩუქრები სოფლის რწმუნებულემა და გამგეობის თანამშრომლებმა შეუძინეს, ამას ჩოხატაურის გამგებელი ირაკლი კუჭავაც ადასტურებს. თუმცა ინფორმაციას, რომ დეპუტატის მიერ შეძენილ საჩუქრებში ფული ჩოხატაურის მუნიციპალიტეტის ბიუჯეტიდან გადაირიცხა, კატეგორიულად, უარყოფს. მისი თქმით, გამგეობის თანამშრომლებმა საჩუქრები ჯიბის ფულით შეიძინეს.

-დეპუტატმა გამოაზავნა 60 ხონჩა, რომელიც გადავეცით იმ სოფლის პირველკლასელებს, სადაც იყო არასრული საჯარო სკოლა. რაც შეეხება სხვა სოფლის სკოლებს, იმათ გადავეცით სოფლის რწმუნებულებისა და ჩვენს მიერ შეძენილი საჩუქარი.

-ბატონო ირაკლი, გავრცელდა ინფორმაცია, რომ იმ საჩუქრების თანხა, რომელიც დეპუტატმა იყიდა ჩოხატაურის გამგეობიდან გადაირიცხა.

- არასწორი ინფორმაციაა ეს. დეპუტატმა რაც შეძლო ის გამოაგზავნა, დანარჩენი ჩვენი ჯიბის ფულით ვიყიდეთ და გამგეობის თანხებით არაფერი არ გვიყიდია. არც ერთი მოსწავლე არ დარჩენილა საჩუქრის გარეშე. თუმცა, კიდევ ერთხელ ვამბობ, რომ აქედან 60 იყო მხოლოდ დეპუტატის მიერ ნაყიდი.

მაშინ როცა, ადგილზე დეპუტატის აქტივობებსა და მის დაგეგმილ შეხვედრებზე, ყველაფერი იციან დეპუტატის ბიუროში, პასუხს გვცემენ, მაჟორიტარის კონკრეტულ გადაწყვეტილებებზე, იმ პრობლემებთან, განცხადებებთან, ან თხოვნასთან დაკავშირებით, რის თაობაზეც პირადად მას მიმართავენ, არაფერი იცოდნენ პირველკლასელთათვის გადაცემული საჩუქრების შესახებ:

დეპუტატ ჭკუასელის ბიუროს ხელმზღვანელი, ვიტალი ტყეშელიაზე აცხადებს, რომ ამ საჩუქრების დარიგებასთან და შეძენასთან დაკავშირებით საქმის კურსში არ არიან.

-ბატონო ვიტალი, რამდენმა პირვეკლასელმა მიიღო დეპუტატის საჩუქარი ?

-არაფერი არ ვიცით, მიმართეთ გამგეობას ისენი ხელმძღვანელობდნენ აგ საქმეს.

-ანუ ამ საჩუქრების გადაცემასთან დაკავშირებით დეპუტატმა მისი ბიუროს წარმომადგენლები საქმის კურსში არ ჩააყენა?

-კიდე ერთხელ ვამბობ, რომ არაფერი არ ვიცი, ვის რა დაურიგეს. ჩვენ არ ვართ ინფორმირებულები.

წყარო: "გურიის მოამბე"