საქართველოს ეროვნული ბანკის პრეზიდენტის მრჩევლის გიორგი ბაქრაძის შეფასებით ეროვნული ვალუტაზე საგარეო შოკების გავლენა უკვე აისახა, ამჟამად კი მის გაუფასურების მიზეზი უარყოფითი მოლოდინებია.

"ჩვენ ვთვლით, რომ საგარეო შოკი კურსზე იყო და არის ასახული, ახლა პრობლემაა მოლოდინები და გარკვეულწილად ზოგიერთი ვაი-ექსპერტის გამოსვლები, რომ აი, გაუფასურდება და ა.შ. ეს ძალიან მოქმედებს. დღეს კურსის დინამიკაზე ძირითად გავლენას ახდენს მოსახლეობის უარყოფითი მოლოდინი და პირველ რიგში საჭიროა ამ უარყოფითი მოლოდინის შერბილება. ისევ და ისევ ნაკლებად უნდა დაუჯერონ ზოგიერთ ექსპერტს. ვთვლი, რომ თუ უარყოფითი მოლოდინები ჩაცხრა, ხალხი დაინახავს და დარწმუნდება იმაში, რომ პანიკის საფუძველი ამ ეტაპზე არ არის. მგონია, სიტუაცია კურსთან დაკავშირებით უნდა დაწყნარდეს. დღეს ძირითადი გავლენა ლარის კურსზე მოდის მოლოდინებიდან", - განაცხადა ბაქრაძემ.

გიორგი ბაქრაძის თქმით არსებულ ვითარებაში სებ-ის მხრიდან ინტერვენციების განხორციელებას გადამწყვეტი როლი არ ექნება:

"არ მგონია, რომ ინტერვენციებს ჰქონდეს ახლა აზრი, იმის გამო, რომ დღევანდელი კურსის დინამიკა არის უარყოფითი მოლოდინების შედეგი, ინტერვენციებს უბრალოდ გადამწყვეტი როლი არ ექნება", - აღნიშნა ბაქრაძემ.