მსახიობსა და მომღერალს - თიკო მოსემღვდლიშვილს ყურადღების ცენტრში ყოფნა მოსწონს, მაგრამ ამბობს, - ზედმეტი ყურადღებაც არ ვარგაო.

ყოველთვის ბევრი თაყვანისმცემელი ჰყავდა, მაგრამ მათი რიცხვი ზაფხულში კიდევ უფრო მეტად გაზრდილა. ჰოდა, ერთ-ერთმა მათგანმა შეძლო, თიკოსთვის დასვენების დღეები გაელამაზებინა.

საზღვაო რომანი ან ფლირტი არასდროს გქონია? სანაპიროზე ყოფნისას, მამარობით სქესის წარმომადგენლებს შენი გაცნობის სურვილი არ გამოუთქვამთ?

- ვერ ვიტან სიტუაციას, როცა პლაჟზე შენთვის, მშვიდად ხარ, ვიღაც მოდის და მყუდროებას გირღვევს ან ზღვაში ხარ, ცურავ და უცებ, ვიღაც შენთან საუბრის წამოწყებას ცდილობს... ასეთ დროს ცოტა ეშმაკურად ვიქცევი: მაგალითად, მეგობარს ვეძახი, - სახლში წავიდეთ-მეთქი და თან, წყლიდან ამოსვლას ვიწყებ. ის ვიღაც ნაპირისკენ მიდის, მე კი ზღვაში ვრჩები ამაყი იმით, რომ მამაკაცი გავაცურე (იცინის). მოკლედ, დროებით ნაცნობობას ყოველთვის თავს ვარიდებ. საკურორტო რომანების მოყვარული არ ვარ და არასდროს ვეძებ პიროვნებას ზაფხულის გასალამაზებლად.

- ანუ ამ ზაფხულს ფლირტი არ გქონია?

- არა, მაგრამ უნდა ვაღიარო, - ერთმა ადამიანმა შეძლო, რომ წლევანდელი ზაფხული განსაკუთრებულად დასამახსოვრებელი და ლამაზი გაეხადა ჩემთვის. თუმცა, მასთან ურთიერთობას რომანს ვერ დავარქმევ.

- ახლა სად არის ის ადამიანი? ზაფხულის დამთავრებისთანავე გაუჩინარდა?

- მასზე ჯერჯერობით, მეტს ვერაფერს გეტყვით (იცინის).

წყარო: ჟურნალი "გზა"