კახელი მევენახეების აქცია ხვალისთვის გადაიდო. გურჯაანში გლეხების ნაწილმა ყურძნის კრეფა უკვე დაიწყო, თუმცა ისინი ყურძნის ჩაბარებაზე უარს ამბობენ. ამის მიზეზად ისინი დაბალ ფასს ასახელებენ.

მევენახეები გურჯაანის გამგეობასთან რამდენიმე საათის განმავლობაში იმყფებოდნენ, თუმცა ადგილზე გლეხების მცირე ნაწილი მივიდა. აქციაზე მყოფების ინფორმაციით, მევენახეებზე ხელისუფლება ზეწოლას ახორციელებს, რის გამოც მათ გამგეობასთან მისვლა ვერ შეძლეს.

კახეთში მიმდინარე პროცესების პარალელურად პარლამენტში დეპუტატები სოფლის მეურნეობის მინისტრს უსმენენ. დარგობრივი და აგრარული კომიტეტების გაერთიანებულ სხდომაზე დეპუტატები მევენახეების პრობლემაზე მსჯელობენ.