დღეს საქართველოში ახალი სასწავლო წელი დაიწყო, თუმცა ლარის გაუფასურებამ გავლენა კერძო სკოლების გადასახადზეც იქონია. თბილისში არსებულ სკოლებში სწავლის ღირებულება დამატებითი სერვისებით განსხვავდება.

გადასახადი კი მიმდინარე სასწავლო წელს სამი ათასი ლარიდან იწყება და წლიურად 20 ათას დოლარს აჭარბებს.

რაც შეეხება მათ შორის ყველაზე ძვირადღირებულებს: ამ მხრივ პირველი ,,ქიუ-ეს-აის” საერთაშორისო სკოლაა, რომლის წლიური გადასახადი 20 900 დან 24 400 დოლარამდე მერყეობს. 19 000 ლარით მას მოჰყვება გივი ზალდასტანიშვილის სახელობის ამერიკული აკადემია. ხუთიდან-ოთხიათას დოლარამდე მერყეობს სწავლა კავკასიის ფრანგულ სკოლასა და ევროპულ სკოლაში. 8 500-დან - 17 500 ლარამდე მერყეობს სწავლა ბრიტანულ-ქართულ აკადემიაში.

ძვირადღირებული სკოლების ჩამონათვალშია ასევე "გოგებაშვილის სახელობის სასწავლებელი", სკოლა "ჯეჯილი", "ბაქსვუდის საერთაშორისო სკოლა", "ნიუტონის თავისუფალი სკოლა" და "ახალი ქართული სკოლა".

წყარო "ეკონომეტრი"