საქართველოს პრეზიდენტი გიორგი მარგველაშვილი მერაბ მამარდაშვილის იუბილეს გამოეხმაურა. პრეზიდენტის თქმით ფილოსოფოს მამარდაშვილს საზოგადოებრივი ცნობიერების გამოღვიძების საქმეში დიდი წვლილი მიუძღვის:

"დღეს მერაბ მამარდაშვილის დაბადების დღეა. ძნელია სათანადო პატივით აღწერო და შეაფასო ის როლი, რაც დიდმა ფილოსოფოსმა საქართველოს უახლესი ისტორიის ყველაზე დრამატულ გარდაქმნათა პერიოდში ითამაშა საზოგადოებრივი ცნობიერების გამოღვიძების, თავისუფლებისადმი ძალისხმევის გაღვივების, ღირსეული მომავლის დასახვისთვის.

მისი უკომპრომისო, '‘შეუძლებლის შეძლებისათვის’' მებრძოლი ფიგურა კვლავ მრავალი თაობისთვის დარჩება ცხოვრების ერთ-ერთ უმთავრეს ორიენტირად."- წერია პრეზიდენტის განცხადებაში.