14 სექტემბერს, 16:00 საათზე, თბილისში „მაკდონალდსის“ ახალი რესტორანი იხსნება, რომელიც საქართველოს მასშტაბით, რიგით მე-8 იქნება. გახსნის ცერემონიას დაესწრებიან თბილისის მერი დავით ნარმანია, საქართველოს ვიცე-პრემიერი გიორგი კვირიკაშვილი და აშშ-ს ელჩი საქართველოში რიჩარდ ნორლანდი.

„მაკდონალდსის“ ახალი რესტორანი, ზუგდიდის რესტორნის მსგავსად, გამოირჩევა მომსახურების ახალი, კომფორტული პლატფორმით, აღჭურვილია თანამედროვე ტექნოლოგიებით და არის დრაივის ტიპის. რესტორანი განსხვავებული, ევროპული ტენდენციების მიხედვით შექმნილი LIM CLAN კონცეფციის ინტერიერის დიზაინით გამოირჩევა, რომლის ტექნიკური სამუშაოების შესრულება ავსტრიულ კომპანია Schloffer-სეკუთვნის.რესტორნის დრაივი დამუშავებულია MERIM-Group-ის მიერ, სამზარეულო კი შვეიცარული Franke-ს უახლესი დანადგარებით არის აღჭურვილი.

ახალი რესტორანი, რომელიც ჯორჯ ბალანჩინის ქუჩაზე, ამერიკის საელჩოს მიმდებარე ტერიტორიაზე მდებარეობს, სრულად ადაპტირებულია შეზღუდული შესაძლებლობების მქონე პირებისთვის შესაბამისი პანდუსით, საპირფარეშოთი, კარითა და სხვა პირობებით. მენეჯერებს და მათ ასისტენტებს ჩაუტარდათ ტრენინგი ჟესტურ ენაში, რაც კიდევ უფრო კომფორტულს გახდის მომხმარებელთან კომუნიკაციას. ამავე რესტორანში უსინათლოთათვის დამზადებულია მენიუ ბრაელის შრიფტით.

· რესტორნის გასახსნელად გაკეთდა 4.7 მილიონი ლარის ინვესტიცია

· რესტორანში დასაქმებულია 60 ადამიანი

· ბიუჯეტში სავარაუდო წლიური შენატანი შეადგენს 1 მილიონ ლარს

„მაკდონალდსის“ პირველი რესტორანი საქართველოში, 1999 წელს გაიხსნა და მას შემდეგ კომპანიამ 38,2 მილიონი ლარის ოდენობის ინვესტიცია გააკეთა, ხოლო „მაკდონალდსის“ მიერ ბიუჯეტში შეტანილმა თანხამ 2015 წლის მონაცემებით, 49,9 მილიონი ლარი შეადგინა. დღესდღეობით საქართველოს მასშტაბით „მაკდონალდსის“ 8 რესტორანში 730 თანამშრომელი მუშაობს. კომპანია ქსელის გაფართოებას გეგმავს და უახლოეს მომავალში თბილისში კიდევ ერთი რესტორანი გაიხსნება.