"უნდათ, რომ ნაგვის ფასში გადაგვაყრევინონ ყურძენი"

"უნდათ, რომ ნაგვის ფასში გადაგვაყრევინონ ყურძენი" - "რთველი 2015" აქციით დაიწყო

საზოგადოება - 13:09, 10 Sep, 2015

3402

გურჯაანის გამგეობასთან საპროტესტო აქცია მიმდინარეობს. ადგილზე კახელი მევენახეები არიან შეკრებილნი. ისინი ყურძნის ფასს აპროტესტებენ.

აქციის მონაწილეებს ადგილობრივი ხელისუფლების წარმომადგენლები შეხვდნენ. აქციის მონაწილეები მათგან ითხოვდნენ პასუხს, გაიზრდება თუ არა ყურძნის ფასი, თუმცა ამაზე კონკრეტული პასუხი ვერ მიიღეს.

იმ შემთხვევაში თუ მათი მოთხოვნა არ დაკმაყოფილდება და ყურძენზე ფასი არ გაიზრდება, ისინი ვენახების გაჩეხვით იმუქრებიან.

„ათჯეს მოვწამლე ვენახი, ამდენი ფული გადავიხადე და ნაგვის ფასში უნდათ, რომ ყურძენი გადამაყრევინონ... ეს არის დამამცირებელი ფასი“, - ამბობენ კახელი მევენახეები.

კახეთში "რთველი - 2015" იწყება. ხელისუფლება ყურძნის შესყიდვას დედოფლისწყაროს და სიღნაღის რაიონებიდან იწყებს. ამ ეტაპზე 4 ღვინის საწარმო - დედოფლისწყაროში, დაბა წნორში, გურჯაანში და გურჯაანის რაიონის სოფელ ჭანდარში სრულ მზადყოფნაშია დაიწყოს ყურძნის გადამუშავება. სახელმწიფო მწიფე (კონდიციურ) 1 კგ რქაწითელში და კახურ მწვანეში გადაიხდის 25 თეთრს, რასაც ემატება ასევე სახელმწიფო სუბსიდია 35 თეთრი - ჯამში 60 თეთრი. ასევე, 1 კგ საფერავში მევენახეს გადაუხდის 60 თეთრს, რაც სუბსიდიის ჩათვლით მიაღწევს 75 თეთრს.