სერიალი „ჩემი ცოლის დაქალები“ ეთერში 2 ოქტომბერს დაბრუნდება. სერიალის პროდიუსერის ირაკლი საღინაძის ინფორმაციით, ახალი სეზონი მაყურებელს უამრავს სიახლეს ჰპირდება.

„სტილს არ ვუღალატებთ, კვლავ სოციალური სატირა იქნება. იქნება ბევრი სასაცილო და სატირალი ამბავი, იქნება ბევრი მძაფრსიუჟეტიანი მომენტები. ძალიან ბევრი სიახლე იქნება, რომელსაც ეხლა ვერ ვიტყვი. რაც შეეხება მედიაში გავრცელებულ ინფორმაციას, რომ სერიალი "ჩემი ცოლის დაქალები“ პოლიტიკაში წასვლის გამო დატოვეს, გაზვიადებულია. ერთ-ერთი პერსონაჟი ნამდვილად წავიდა. ეს არის გიო, მაკას შვილი. GDS-ში რაღაც სერიალში იღებს მონაწილეობას და ამიტომ მიიღო ეს გადაწყვეტილება. კვირაში ისევ სამჯერ გავა. 2 ოქტომბერს ვაპირებთ ეთერში შესვლას. ასე ვთქვათ, ნელიკოს სეზონი მოდის. აჩიკო სოლოღაშვილზე მოსაფიქრებელია, თუ როგორ დავაბრუნოთ კატო მათ სივრცეში. როგორც ყოველთვის ის პროცესები, რაც რეალურად ხდება ქვეყანაში სერიალში მიმდინარე მოვლენებზეც აისახება“, - ამბობს საღინაძე „სხვა შუადღის“ ეთერში.

ვიდე იხილეთ ბმულზე: rustavi2.com