უმაღლესი სასწავლებლების გარეთ დარჩენილი აბიტურიენტები დახმარებას პრემიერმინისტრს სთხოვენ. დღეს ისინი მთავრობის ადმინისტრაციასთან შეიკრიბნენ და ირაკლი ღარიბაშვილს განცხადებით მიმართეს, რომელშიც მას პრობლემის მოგვარებაში პირადად ჩართვას სთხოვენ.

აბიტურიენტები აცხადებენ, რომ განათლების სამინისტროსგან არა მეორად ჩარიცხვებს და უნივერსიტეტებში უკვე მოხვედრილთა სიების გაუქმებას, არამედ უმაღლეს სასწავლებლებში დარჩენილ თავისუფალ ადგილებზე გადანაწილებას ითხოვენ.

განათლების მინისტრისა და შეფასებისა და გამოცდების ცენტრის ხელმძღვანელის პოზიცია კი უცვლელია. მიმდინარე წელს მეორადი ჩაირცხვები არ იქნება.

მაია მიმინოშვილი დღეს უნივერსიტეტების წარმომადგენლებსაც შეხვდა, მისი თქმით, უწყების გადაწყვეტილებას მხარს უჭერენ რექტორებიც.