"ენერგეტიკის და წყალმომარაგების მარეგულირებელი ეროვნული კომისიის" ყოფილი თავმჯდომარე გურამ ჩალაგაშვილი ვარაუდობს, რომ დედაქალაქის მოსახლეობისთვის ელექტროენერგიის ტარიფი გაიზრდება.

თუმცა რამდენი თეთრით მეტის გადახდა მოუწევს თბილისში მაცხოვრებლებს, ამაზე ჩალაგაშვილი ვერ საუბრობს.

"კომისია აუცილებლად გაზრდის თბილისის მოსახლეობისთვის ელექტროენერგიის ტარიფის ღირებულებას. რამდენი იქნება წინასწარ ციფრი უცნობია, მაგრამ არ იქნება იმაზე ნაკლები, ვიდრე გაიზარდა რეგიონებში მოსახლეობისთვის. ამ შემთხვევაში გააჩნია ვალუტის რა კურსი იქნება გათვალისწინებული გაანგარიშების დროს," - განაცხადა ჩალაგაშვილმა.

სემეკში დღეს „თელასისათვის“ ელექტროენერგიის განაწილების, გატარებისა და მოხმარების ტარიფების დადგენაზე იმსჯელებენ. სხდომა 12:00 საათზე დაიწყება და მასზე დასწრება შეეძლება ნებისმიერ დაინტერესებულ პირს.

ტარიფის დადგენის მიზნით სს „თელასმა“ კომისიას მიმდინარე წლის 23 ივლისს მიმართა. კომპანიამ სატარიფო განაცხადის წარდგენის მთავარ საფუძვლად აშშ დოლართან მიმართებაში ეროვნული ვალუტის გაცვლითი კურსის არსებითიცვლილება, შესასყიდი ელექტროენერგიის გაზრდილიფასი და ელექტროენერგიის გადაცემის ტარიფის ზრდა დაასახელა.