სიახლე Europe-Bet - ისგან, 9-13 სეტემბერს ბათუმში ნარდში საქართველოს ღია ჩემპიონატი ჩატარდება

ბიზნესი & ეკონომიკა - 18:54, 02 Sep, 2015

2164

ნარდის მსოფლიო ფედერაცია, საქართველოს ნარდის კლუბი, საქართველოს ნარდის ფედერაცია და “Europe-Bet.com” სიამაყით წარმოგიდგენთ: 2015 წლის 9 -13 სექტემბერს, ბათუმში საქართველოს ღია ჩემპიონატს ნარდში! ტურნირების სერია სტარტს იღებს 9 სექტემბერს 14:00 საათზე. ჩემპიონატი ნარდში, უკვე 9 წელია იმართება საქართველოში, ბოლოს 2014 წელს, იგი ჩაქვში ჩატარდა.

გასულ წელს ტურნირზე შეიკრიბა 13 ქვეყნის 102 საუკეთესო მონარდე. მათ შორის მოქმედი მსოფლიო ჩემპიონი აკიკო იაზავა (იაპონია), ექს-ჩემპიონი მაიკ სვობოდნი (აშშ), მსოფლიოს #1 მონარდე იაპონელი მასაიუკი მოჩიზუკი და სხვები. წელს მოლოდინი გაცილებით დიდია, ბათუმი 130 სტუმარს უმასპინძლებს. 2015 წლიდან კი “Europe-Bet.com” გახდა „საქართველოს ნარდის კლუბის“ პარტნიორი. რამდენიმე თვიანი მოლაპარაკებების შედეგად, 2015 წლის ივნისში გაფორმდა ურთიერთთანამშრომლობის ხელშეკრულება.

ტურნირის საპრიზო ფონდისათვის „Europe-Bet“ 20 000 $ -ს გამოყოფს, რომელიც დაემატება საპრიზო ფონდს. მთავარ ტურნირზე რეგისტრაციის ღირებულება შეადგენს 530 $ -ს. ონლაინ უფასო და ფასიანი სატელიტების (ტურნირების) მეშვეობით, უკვე შესაძლებელია, „ევროპა-ბეთ“-ის საიტზე მთავარი ტურნირის ბილეთის მოგება. სატელიტებში უკვე ჩართულია ძალიან ბევრი უცხოელი მოთამაშე. თუმცა უცხოელ მოთამაშეებს სატელიტების გარეშეც ველოდებით, რომლებიც ადგილზე შეიძენენ ბილეთს. მონაწილეებს საშუალება ეძლევათ ულამაზესი დღეები გაატარონ საქართველოს შავიზღვისპირეთში. სტუმრები ეცნობიან ჩვენი ქვეყნის ისტორიას, კულტურას, ღირსშესანიშნაობებს. აღსანიშნავია, რომ მსგავსი ტურნირი ერთადერთია პოსტსაბჭოთა სივრცეში.