,,არავის საქმე არაა მყავს თუ არა გვერდით მამაკაცი“ - მაია ასათიანის პასუხი ია ფარულავას

საზოგადოება - 19:19, 01 Sep, 2015

25037

ია ფარულავას მიერ გამოქვეყნებულ ინტერვიუს, სადაც ის „პროფილის“ წამყვანს მაია ასათიანს აკრიტიკებს სოციალურ ქსელში დიდი გამოხმაურება მოჰყვა. ფარულავა წერდა, რომ ასათიანი ძალიან არის დასუსტებული და მას რჩევებსაც აძლევს. მსახიობი გადაცემის რეიტინგზეც აკეთებს აქცენტს და ამბობს, რომ „პროფილს“ ჯაჯანიძის შოუმ დედა უტირა“.

ფარულავას კრიტიკას მაია ასათიანმა „ნიუპოსტთან“ საუბარში უპასუხა.

"ყველა ადამიანს აქვს თავისი ღირსება და ამბობს იმას, რის უფლებასაც საკუთარი ღირსება აძლევს. სიმართლე გითხრათ, ადამიანებისგან აღარაფერი მიკვირს, იმდენ ცუდს შევხვედრივარ ცხოვრებაში. ერთი რისი თქმაც მინდა, ისაა, რომ გადაცემა, რომელსაც მე ვამზადებ, ყველაზე რეიტინგული ქართული არაპოლიტიკური თოქ-შოუა. ორი თვის წინ ჯანმრთელობის მდგომარეობის მკვეთრი გაუარესების გამო „რუსთავი 2“-ის სასადილოში ნამდვილად დავკარგე გონება... ძალიან გამიხარდებოდა, იმ რთულ დღეებში, როდესაც საავადმყოფოში ვიწექი, იას ჩემთვის დაერეკა და მოვეკითხე. ალბათ ეს იქნებოდა კოლეგის მხრიდან უფრო კარგი საქციელი. რაც შეეხება ჩემს პირად ცხოვრებას, მის აფიშირებას არ ვახდენ, მაგრამ ეს იმას არ ნიშნავს, რომ პირადი ცხოვრება არ მაქვს. არავისი საქმე არ არის, მყავს თუ არა გვერდით მამაკაცი. თუ ვინმეს აინტერესებს ჩემი გადაცემის რეიტინგი, ნებისმიერ მსურველს ნებისმიერ მომენტში შემიძლია ვუჩვენო. დაბოლოს, ხანდახან, მძიმე შრომის გამო საოცრად ვიღლები. ხშირად საქმე რომელსაც 23 წელია ვემსახურები ჩემს ჯანმრთელობაზე მძიმედ აისახება, თუმცა ვამაყობ, რომ ვარ 38 წლის მარტოხელა დედა და 15 წლის ასაკიდან ჩემი შრომით ვჭამ პურს“, - ამბობს ასათიანი.