ეკონომიკური განვითარების ცენტრის ხელმძღვანელის რომან გოცირიძის განცხადებით ეროვნული ვალუტასთან დაკავშირებით განვითარებულ მოვლენებში მთავარი დამნაშავე ხელისუფლებაა, რადგან დღევანდელმა ხელისუფლებამ ქვეყნის ფინანსური სტაბილურობა ეროვნულ ბანკთან ბრძოლას გადააყოლა.

„თუკი ვინმეს ვეძებთ დამნაშავედ ეს დამნაშავე არის ხელისუფლება, რომელმაც დაკარგა ნდობა. მოანდომეს ეროვნულ ბანკთან ბრძოლას მთელი ეს პერიოდი, ფაქტობრივად მოახდინეს კომპრომეტაცია, გაყვეს შუაზე ეროვნული ბანკი, ჩამოართვეს მონიტორინგის სამსახური, ჩამოართვეს ზედამხედველობის სამსახური. პოლიტიკურ ბრძოლას და საკუთარი პოზიციების გამყარებას ფაქტობრივად მათ გადააყოლეს ფინანსური სტაბილურობა,“ - განაცხადა რომან გოცირიძემ.