სვანეთში, ადგილობრივმა მოსახლეობამ ხაიშის რაიონში სოფელ ჭუბერთან ცენტრალური გზა გადაკეტა, რის გამოც საცობში ათეულობით მანქანა გაჩერდა, რომელთა მგზავრების უმეტესობაც ტურისტები იყვნენ.

როგორც „ნიუპოსტსთან“ ადგილობრივებმა განაცხადეს ისინი ხელისუფლებისგან ხე-ტყის ჭრის ნებართვის მიცემას ითხოვდნენ.

მას შემდეგ რაც გზა რამდენიმე საათი გადაკეტილი იყო, ადგილზე შეკრებილ ხალხს მესტიის გამგებელი კაპიტონ ჟორჟოლიანი შეხვდა. გამგებელთან მოლაპარაკების შემდეგ აქციის მონაწილეებმა რამდენიმე მანქანა გაატარეს. აქციის მონაწილეები გზის საბოლოო გახსნას გეგმავენ თუმცა აცხადებენ, რომ მათი მოთხოვნების შეუსრულებლობის შემთხვევაში ისინი გზას ისევ გადაკეტავენ.

_{ფოტო "აიპრესი"}