საქართველოს საკალათბურთო ნაკრები ევროპის მოქმედ ჩემპიონთან დამარცხდა. იგორ კოკოშკოვის გუნდმა საფრანგეთის ნაკრებთან 42-ქულიანი სხვაობით, 95:53 წააგო.

მატჩის ყველაზე შედეგიანი მოთამაშე ნანდო დე კოლო იყო, რომელმაც 17 ქულა ჩააგდო. ტონი პარკერის ანგარიშზე 6 ქულა და 7 პასი დაგროვდა.

საქართველოს ნაკრების შემადგენლობიდან ყველაზე შედეგიანი გიორგი ცინცაძე აღმოჩნდა. მის ანგარიშზე 14 ქულა და ხუთი პასი დაფიქსირდა. მანუჩარ მარკოიშვილმა კი 11 ქულა ჩააგდო.

ქართველი კალათბურთელები საფრანგეთიდან სლოვენიაში გაემგზავრებიან, სადაც 28-30 აგვისტოს საერთაშორისო ტურნირში მიიღებენ მონაწილეობას. ევროპის საკალათბურთო ჩემპიონატის სადებიუტო შეხვედრას საქართველოს ნაკრები 5 სექტემბერს გამართავს.