ქართული მედიასაშუალებები ,,აფხაზეთის ხმას“ სოლიდარობას უცხადებენ

საზოგადოება - 17:55, 20 Aug, 2015

648

ქართული მედიასაშუალებები რადიო აფხაზეთის ხმას სოლიდარობას უცხადებენ. დღეს განცხადებები ტელე და რადიო მედიასაშუალებების წარმომადგენლებმა გააკეთეს. ჟურნალისტები ხელისუფლებას რამდენიმე რეკომენდაციით მიმართავენ.

ჟურნალისტები მძლავრი ასოციაციების შექმნაზე საუბრობენ, რომელიც მსგავსი შემთხვევების დროს მოახდენს ამა თუ იმ მედიასაშუალების შესაბამის დაცვას და ლობირებას. ტელე-რადიო მედიასაშუალებების ხელმძღვანელები ამბობენ, რომ ტელე-რადიო ცენტრმა უნდა გადახედოს მის სატარიფო პოლიტიკას, სადაც უნდა იყოს გათვალისწინებული ის, რომ ამ ეტაპზე მედიასაშაუალებებს აქვთ მცირე საშუალებები.

„ტელე-რადიო ცენტრმა უნდა გადახედოს თავის სატარიფო პოლიტიკას, ვინაიდან დღეს ბიზნესს გაუჭირდა, არის მცირე შემოსავლები სარეკლამოს მიმართულებით. აუცილებელია შეიქმნას მძლავრი ასოციაცია, რომელიც მსგავს საკითხებზე აქტიურ ლობირებას მოახდენს,“ - განაცხადა რამაზ სამხარაძემ.

ტელეკომპანია კავკასიის გენერალური დირექტორი ნინო ჯანგირაშვილი კი მიიჩნევს, რომ დავალიანების გამო მაუწყებლობა მედიასაშუალებებს არ უნდა შეუჩერდეს და რადიო აფხაზეთის ხმის მიმართაც არასწორი გადაწყვეტილება იქნა მიღებული.

„სხვდასხვა კომპანიებს სხვადსხვა მიზეზების გამო ჰქონია დავალიანება. ჩვენც გვქონია, თქვენც გქონიათ და ამის გამო მაუწყებლობის შეწყვეტა არის ძალიან ცუდი პრაქტიკა, რასაც იშვიათად მიმართავს ხოლმე ტელე-რადიო ცენტრი. როდესაც ერთ კონკრეტულ მედიასაშუალებას, მიუხედავად მისი პოზიციისა, ექმნება საფრთხე და ის სუბიექტურად იჩაგრება, რომელიმე სახელმწიფოს სტრუქტურის ან კერძო პირის მხრიდან, ყველამ უნდა დაუჭიროს ამ მედიასაშუალებას მხარიმ“ - განაცხადა ნინო ჯანგირაშვილმა.