მოსკოვის სავალუტო ბირჟაზე ევრო 75, ხოლო დოლარი - 67 რუსული რუბლი ღირს. ეს რუსული ვალუტის რეკორდული ვარდნაა 2015 წლის თებერვლის შემდეგ.

რუბლის დაცემის მთავარი ფაქტორი კვლავ ნავთობზე ფასის დაწევაა. 20 აგვისტოს დილით Brent-ის ნავთობის ფასი ერთ ბარელზე 46,8 დოლარს შეადგენდა.

ექსპერტები ვარაუდობენ, რომ ნავთობის ფასი კიდევ უფრო დაიწევს - აშშ-მ საკუთარი მარაგების შესახებ ინფორმაცია გამოაქვეყნა, სადაც აღნიშნულია, რომ გადაუმუშავებელი ნავთობის მარაგი 2,6 მილიონი ბარელით გაიზარდა. შესაბამისად, ეს რუსეთის ეკონომიკის სრულ კრახს მოასწავებს, რადგან რუსეთის ხელისუფლება იმედოვნებდა, რომ 2015 წლის განმავლობაშ ნავთობის ფასი 50$ ქვემოთ არ დაეცემოდა.