მსოფლიო ბაზრებზე პროგნოზები არ გამართლდა

ბიზნესი & ეკონომიკა - 18:54, 04 Mar, 2013

605

მთელი წლის განმავლობაში საექსპერტო საზოგადოებაში იყო მოლოდინი, რომ ამ მოვლენით მოხდება რაღაც განსაკუთრებული, ჩავარდება ამერიკის ეკონომიკა და ვალუტა, თან ჩაითრევს სხვა რეგიონებს, ლაპარაკობდნენ იმ მოსალოდნელ პანიკაზე, რომელიც დაიწყებოდა სავალუტო და საცალო ბირჟებზე 2013 წლის 1 მარტს.
რა მოხდა 1 მარტს სინამდვილეში? არც არაფერი, უფრო მეტიც, ევროპის პოლიტიკური პრობლემების და ამერიკის ეკონომიკის დაწყებული გაჯანსაღების ფონზე დოლარი მშვენივრად გამოიყურება და განაგრძობს გამაგრებას.
გახდა ნათელი, რომ ინვესტორები დაიღალნენ მსოფლიოში დაბუდებული გაურკვევლობით და ნეგატიური შედეგების მოლოდინებით, შეეგუენ მიმდინარე მდგომარეობას და გააგრძელეს ცხოვრება არსებულ რეალობაში .
მაშინ როცა ევროპელები წინა საუკუნის გადმონაშთ პროფკავშირებთან ერთად თურმე სოციალიზმს აშენებენ და თავის მომავალს ვეღარ განსაზღვრავენ იტალიაში არჩეული კლოუნების გამო, რეალური კაპიტალის მფლობელები ამჯობინებენ ფულის დაბანდებას იქ, სადაც მომავალი მეტნაკლებად უკვე გარკვეულია, სადაც მიუხედავათ მრავალი მიმდინარე პრობლემებისა მაინც არსებობს ბიზნესისთვის მისაღები, სახელმწიფოს მიერ დაცული, ხისტი თამაშის წესები - იგივე ამერიკის შეერთებული შტატების ეკონომიკაში. ფაქტია, რომ ამ ეტაპზე ინვესტორები პრიორიტეტს ანიჭებენ დოლარს და ევროპული და აზიური ვალუტები განაგრძობენ სტაბილურ ვარდნას.

მომზადებულია კომპანია „Admiral Markets“ ანალიტიკური ჯგუფის მიერ
http://www.admiralmarkets.ge/analytics/