ნაძალადევის რაიონში მაღალსართულიან სახლებში პანდუსების მოწყობა მიმდინარეობს

საზოგადოება - 19:53, 11 Aug, 2015

3511

ნაძალადევის რაიონში ამ ეტაპზე 6 კორპუსში 15 პანდუსის მოწყობა მიმდინარეობს. სამუშაოები უკვე დასრულდა 4 მაღალსართულიან სახლში, სადაც 11 პანდუსი გაკეთდა. ერთ-ერთი ობიექტი, სადაც პანდუსიმოეწყო გურამიშვილის გამზირი N12ა, კორპ. N1-ია, სადაც 48 ოჯახი ცხოვრობს. შენობის მეორე სართულზე ეტლითმოსარგებლე შშმ პირი ცხოვრობს, რომელიც უკვე თავისუფლად გადაადგილდება.

მიმდინარე წლის 7 თვის განმავლობაში ნაძალადევის რაიონის გამგეობამ პანდუსების მოწყობის შესახებ ბინათმესაკუთრეთა ამხანაგობების 10 განცხადება დააკმაყოფილა. უკვე შესრულებული და მიმდინარე სამუშაოების საერთო ღირებულება 37 000 ლარს შეადგენს.

საცხოვრებელი კორპუსების ადაპტირება მნიშვნელოვანია, როგორც შშმ პირთათვის, ისე იმ ოჯახებისთვის, ვინც საბავშვო ეტლით სარგებლობს. სწორედ ამიტომ ნაძალადევის რაიონის გამგეობა ბინათმესაკუთრეთა ამხანაგობების ხელშეწყობის პროგრამის ფარგლებში, აქტიურად განაგრძობს მსგავსი პროექტების დაფინანსებას. საცხოვრებელი შენობების გარდა, მიმდინარე წელს გამგეობის დაკვეთით, ცოტნე დადიანის გამზირზე, ფეხითმოსიარულეთა გადასასვლელებსა და გაჩერებებთან სულ 70 პანდუსი მოეწყო.