თბილისის რამდენიმე რაიონს ხვალ გაზმომარაგება დროებით შეეზღუდება

საზოგადოება - 17:49, 11 Aug, 2015

8208

შპს "ყაზტრანსგაზ-თბილისის" ინფორმაციით, ჩასატარებელი სარეკონსტრუქციო სამუშაოს გამო, ხვალ თბილისის რამდენიმე რაიონში გაზმომარაგება დროებით შეიზღუდება.

10:00 საათიდან 16:00 საათამდე სამგორის რაიონში გაზმომარაგება - მესამე მასივის III კვარტლის შენობებსა და „დ“ ქუჩის N 6, 7 კორპუსებს, სულ - 650 აბონენტს შეეზღუდება.
11:00 საათიდან 17:00 საათამდე გაზმომარაგება სამგორის რაიონში, ე.წ. აფრიკის დასახლებაში - ბესარიონ ჭიჭინაძის ქუჩის N 19, 19-ა, 19-ბ, 21, 21-ა, 21-ბ, აგრეთვე - ბესარიონ ჭიჭინაძის N I, II, III, IV, VI, VII ჩიხებში მდებარე შენობებს, სულ - 480 აბონენტს შეეზღუდება.
11:00 საათიდან 17:00 საათამდე კრწანისის რაიონში გაზმომარაგება - ზემო ფონიჭალაში მდებარე კორპუსებს; ლევან ღოღობერიძის, ბესარიონ ლომინაძის, სერგო სურგულაძისა და ანდრო ჟორდანიას ქუჩებს, სულ - 1580 აბონენტს შეეზღუდება.
11:00 საათიდან 17:00 საათამდე გაზმომარაგება საბურთალოს რაიონში - ვაშლიჯვრის დასახლებაში - აკაკი კვანტალიანის, ვასო გოძიაშვილის, პეტრე სარაჯიშვილის ქუჩების ნაწილს, სულ - 350 აბონენტს შეეზღუდება.
12:00 საათიდან 17:00 საათამდე გაზმომარაგება მთაწმინდის რაიონში - სოფელ შინდისში, სავაჭრო ობიექტების მიმდებარე ტერიტორიას, სულ - 170 აბონენტს შეეზღუდება. შპს ”ყაზტრანსგაზ-თბილისი” ბოდიშს უხდის თავის აბონენტებს დისკომფორტისთვის და მიუწოდებს მათ, არ დატოვონ უყურადღებოდ გაზის დანადგარები, ხოლო ონკანები იქონიონ დაკეტილ მდგომარეობაში. კომპანიაში განმარტავენ, რომ მოქალაქეების მიერ უსაფრთხოების წესების შეუსრულებლობით გამოწვეულ შედეგებზე შპს „ყაზტრანსგაზ - თბილისი“ პასუხისმგებელი არ არის.