ახმეტის რაიონის სოფელ ზემო ალვანში დაჭრილი პოლიციელის მდგომარეობა უმძიმესია. ელიზბარ პატარკაციშვილი, რომელიც თავის და გულ-მკერდის არეშია დაჭრილი, გუშინ თელავის რეფერალურ საავადმყოფოში გადაიყვანეს. თუმცა მდგომარეობის სიმძიმიდან გამომდინარე მისი თბილისში, ინგოროყვას კლინიკაში გადმოყვანა გახდა საჭირო, სადაც მას გადაუდებელი ოპერაცია ჩაუტარდა.

ახმეტის რაიონის სოფელ ზემო ალვანში პოლიციის რაიონული სამმართველოს თანამშრომელს ელიზბარ პატარკაციშვილს თავში ცეცხლსასაროლი იარაღიდან ესროლეს.

შემთხვევა გუშინ საღამოს მოხდა. ზემო ალვანში კონკრეტული გამოძახების შედეგად ადგილზე მისულ პოლიციის თანამშრომელს ახალგაზრდამ იარაღი ესროლა. ადგიობრივებმა სამართალდამცავებს წინააღმდეგობა გაუწიეს, რის გამოც სპეცდანიშნულების რაზმის გამოძახება გახდა საჭირო.