ცნობილმა ბრიტანელმა მწერალმა სომერსეტ მოემმა დაწერა, რომ „თუ თქვენ გინდათ კარგად იკვებოთ ინგლისში, სამჯერ დღეში მიირთვით საუზმე“. საინტერესოა, რისი თქმა უნდოდა ამით მოემს - რომ ბრიტანული სამზარეულო, გარდა საუზმისა, უგემურია, თუ ის, რომ ინგლისური საუზმე იმდენად გემრიელია, რომ დღეში სამჯერ უნდა ისიამოვნოთ მისი მირთმევით?

წმინდა ინგლისური საუზმე - ორი კვერცხი, შემწვარი ძეხვი, ბეკონი, ლობიო ტომატის სოუსში და ტოსტები, ეს ერთი შეხედვით კალორიული ბომბია, მაგრამ მისი მირთმევის შემდეგ სადილამდე კარგად ხართ დანაყრებული. გარდა ამისა, BBC-ს აზრით, ეს არის „ნაბახუსევიდან“ გამოსვლის საუკეთესო საშუალება.