სოფიო მურადოვის ფოტომ მსოფლიო შეძერა. ფოტო სადაც ასახულია აალებული მილსადენის ფონზე დაჭრილი ქალი რომელიც დახმარებას ითხოვს. სოფიო გორში, ვერხვების დასახლებაში ცხოვრობს, იქ სადაც 2008 წელს რუსეთის აგრესიის შედეგად უამრავი ადამიანი დაიღუპა ის კი დაიჭრა.

მას შემდეგ 12 ოპერაცია გაუკეთდა, მაგრამ ფეხზე მაინც ვერ დადგა. ამბობს, რომ ყურადღებას აღარავინ აქცევს და ბოლო ოპერაცია ნასესხები ფულით გაიკეთა.

ხანდახან სოფიო მეხუთე სართულიდან იმ ადგილს გადახედავს ხოლმე, სადაც ერთხელ სიკვდილს თვალებში ჩახედა.

„ნიუპოსტს“ მის გაუსაძლის სოციალურ მდგომარეობაზე ესაუბრება.

„თებერვალში მომცეს და მაისში მომიხსნეს დახმარება, არც ციფრული სიგნალის მიმღები აპარატი მომცეს და ახლა ტელევიზორსაც კი ვეღარ ვუყურებ, რა გავაკეთო? სახლის ტყვე ვარ, დავღალე ჩემი შვილი. პენსია მაქვს მხოლოდ და ისიც საჭმელში და წამალში უნდა მეყოს“ -ამბობს სოფიო, რომელიც 24 საათის განმავლობაში საწოლს არის მიჯაჭვული მას ეტლიც კი არ აქვს, რომ სახლში გადაადგილება შეძლოს. სოფიო „ნიუპოსტის“ საშუალებით დახმარებას ითხოვს.