ევროპა ლიგის მე-3 საკვალიფიკაციო ეტაპის პირველ მატჩში მაკედონიურმა “რაბოტნიჩკმა” 1:0 დაამარცხა თურქული კლუბი. შოთა არველაძეს და მის ფეხბურთელებს “ტრაპზონსფორის” ფანები თვითმფრინავიდან ჩამოსვლისთანავე შეხვდნენ და ისინი ჰაერში აიტაცეს. ფანები სკანდირებდნენ “შოთა, გვიყვარხარ!”

თუმცა, იყვნენ მარცხის გამო გაბრაზებული გულშემატკივრებიც. ფანების გარკვეულ ნაწილს ისიც აღიზიანებდათ, რომ გუნდი კაპიტანმა დატოვა. როგორც იცით, ტრაბზონში გიორგი ლორია უნდა ჩასულიყო მთავარ მეკარედ, თუმცა ეს ტრანსფერი ჩაიშალა. სხვათა შორის, სწორედ ამ არეულობას კინაღამ არველაძის გადადგომა მოჰყვა მთავარი მწვრთნელის პოსტიდან.

შოთა არველაძე შეეცადა, ფანების 2 ნაწილს შორის ჩხუბი და დაპირისპირება თავიდან აერიდებინა. ის შუაში ჩადგა და ორივე მხარეს მოუწოდა, რომ “ტრაბზონსფორისთვის” დაეჭირათ მხარი. საბოლოო ჯამში, ამან შედეგიც გამოიღო. პოლიციამ მალე მოახერხა სიტუაციის დარეგულირება.