გაძვირდება თუ არა დენი თბილისში - სემეკი „თელასის“ განაცხადზე დღეს იმსჯელებს

საზოგადოება - 09:13, 05 Aug, 2015

2291

დღეს სემეკში "თელასის“ განაწილების ქსელში ელექტროენერგიის ნორმატიული დანაკარგების გადაანგარიშების წინასწარი საჯარო განხილვა გაიმართა.

ამის შესახებ "ნიუპოსტს" საქართველოს ენერგეტიკისა და წყალმომარაგების მარეგულირებელი კომისიიდან აცნობეს.

"შეხვედრას დაესწრებიან დარგის ექპერტები, არასამთავრობო ორგანიზაციები და სხვა დაინტერესებული პირები. განხილვა არის საჯარო და მასზე დასწრება შეუძლია ყველა დაინტერესებულ მხარეს.

საქართველოს ენერგეტიკისა და წყალმომარაგების მარეგულირებელ ეროვნულ კომისაში, კომისიის 2015წლის 31ივლისის №41/1 გადაწყვეტილების თანახმად, დაწყებულია საჯარო ადმინისტრაციული წარმოება „საქართველოს ენერგოსისტემის ელექტრულ ქსელებში ელექტროენერგიის ნორმატიული დანაკარგების დამტკიცების შესახებ“ საქართველოს ენერგეტიკის მარეგულირებელი ეროვნული კომისიის (სემეკ) 2006 წლის 11 მაისის № 17 დადგენილებაში ცვლილების შეტანის თაობაზე“ – კომისიის სამართლებრივი აქტის – კომისიის დადგენილების გამოსაცემად.

აღნიშნულ დადგენილებაში ცვლილება განპირობებულია იმით, რომ კომისიაში სს „თელასმა“ შემოიტანა სატარიფო განაცხადი და სატარიფო მიზნებიდან გამომდინარე საჭიროა სს „თელასის“ განაწილების ქსელში ელექტროენერგიის ნორმატიული დანაკარგების გადაანგარიშება და ახალი მაჩვენებლების დადგენა", - ნათქვამია სემეკის განცხადებაში.