37-38 გრადუსი შენარჩუნდება კვლავ უახლოესი დღეების განმავლობაში საქართველოს ზოგიერთ რეგიონში.

სინოპტიკოსთა პროგნოზით, ჰაერის მაღალი ტემპერატურა კვირის ბოლომდე შენარჩუნდება,

"3 აგვისტოდან 9 აგვისტოს ჩათვლით, საქართველოს ზოგიერთ რაიონში მოსალოდნელია ხანმოკლე წვიმა ელჭექით. ჰაერის მაქსიმალური ტემპერატურა დაბლობსა და ბარში მოსალოდნელია +35, +37 გრადუსამდე, შავი ზღვის სანაპირო რაიონებში კი- +27, +29 გრადუსამდე.

10-12 აგვისტოს, საქართველოს მთელს ტერიტორიაზე მოსალოდნელია უმეტესად უნალექო ამინდი. ჰაერის მაქსიმალური ტემპერატურა დაბლობსა და ბარში მოსალოდნელია +36, +38 გრადუსამდე, შავი ზღვის სანაპირო რაიონებში კი - +32, +34 -მდე", - ნათქვამია გარემოს ეროვნული სააგენტოს მიერ გავრცელებულ ინფორმაციაში.