3 აგვისტოს შემოსავლების სამსახურმა ცენტრალური აზიის ქვეყნების მონათესავე უწყებების 35-კაციანი დელეგაციისთვის სასწავლო შეხვედრები დაიწყო. სასწავლო ვიზიტი, რომელიც 5აგვისტომდე გასტანს, გერმანიის საერთაშორისო თანამშრომლობის საზოგადოების (GIZ)პროექტის „რეგიონალური ვაჭრობის განვითარება ცენტრალური აზიის ქვეყნებში“ ფარგლებში მიმდინარეობს.პროექტი უკვე 10 წელია თანამშრომლობს ცენტრალური აზიის ქვეყნების - ყაზახეთის, ყირგიზეთის, ტაჯიკეთისა და უზბეკეთის- როგორც სახელმწიფო, ასევე კერძო სექტორის წარმომადგენლებთან.

საერთაშორისო ვაჭრობაში ახალი ტექნოლოგიებისა და ინოვაციების დანერგვის გარდა, GIZ აქტიურად უჭერს მხარს რეგიონის ქვეყნებში ერთი ფანჯრის პრინციპით საინფორმაციო სისტემის დანერგვას ექსპორტ-იმპორტის ნებართვების გასაცემად. ეს პროგრამა ასევე მხარს უჭერს ინოვაციურ იდეებს საბაჟო ადმინისტრაციებში, ვეტერინარული ზედამხედველობის სააგენტოებსა და სხვა ანალოგიურ უწყებებში რისკის მენეჯმენტის დანერგვის მიმართულებით. სწორედ ამ მიზნით დაიგეგმა საქართველოში ცენტრალური აზიის ქვეყნების წარმომადგენელთასასწავლო ვიზიტი. ვიზიტის განმავლობაში შემოსავლების სამსახურის წარმომადგენლები სტუმრებს გააცნობენ საქართველოში განხორციელებულრეფორმებს, კერძოდ, რისკის მენეჯმენტს საბაჟო, ფიტოსანიტარიული და ვეტერინარული კონტროლის მიმართულებით და ამ კონტროლის მექანიზმებს.

სასწავლო ვიზიტის პირველი შეხვედრა 3 აგვისტოს ფინანსთა სამინისტროს აკადემიაში გაიმართა. ვიზიტის ფარგლებში სტუმრები ეწვევიან წითელი ხიდის საბაჟო გამშვებ პუნქტს და იუსტიციის სახლს თბილისში. შეხვედრები ჩატარდება, აგრეთვე, გაფორმების ეკონომიკურ ზონა „თბილისში“.