სოციალური სტატუსის აღდგენას ითხოვს მეორე ჯგუფის ინვალიდი ეკა ივანაური. ქალბატონი ამბობს, რომ სტატუსი რამდენიმე თვის წინ გაუუქმეს.

მან აუცილებელი მედიკამენტების შესაძენად ინვალიდობის პენსია წინასწარ გამოიტანა და ამჟამად ყოველგვარი დახმარების გარეშეა დარჩენილი.

ეკა ივანაური, რომელსაც დამოუკიდებლად გადაადგილებაც უჭირს აცხადებს, რომ სოციალურ სტატუსთან დაკავშირებით მან ხელისუფლებიდან პასუხი ვერ მიიღო და შიშობს, რომ შესაძლოა მას ინვალიდობის პენსიაც შეუწყვიტონ.

ერთიანი ნაციონალური მოძრაობის წევრი ნიკა მელია ხელისუფლებას - ირაკლი ღარიბაშვილსა და დავით სერგეენკოს აღნიშნული საკითხით დაინტერესებისა და პრობლემის მოგვარებისკენ მოუწოდებს.