მაღალმთიან აჭარაში შუამთობას აღნიშნავენ. საზეიმო ღონისძიებებისთვის მზადება ბეშუმში დილიდან დაიწყო. ადგილობრივებთან ერთად ბეშუმში იმყოფებიან ტურისტები, რომელთა ნაწილი მაღალმთიან აჭარაში ავტოსტოპით ჩავიდა.

ირაკლი ღარიბაშვილი მთავრობის წევრებთან ერთად ბეშუმში იმყოფება. პრემიერ-მინისტრს ბეშუმში აჭარის მუფთი და მართლმადიდებელი ეკლესიის წარმომადგენლები დახვდნენ.

ირაკლი ღარიბაშვილთან ერთად შუამთობას ესწრებიან აჭარის მთავრობის წარმომადგენლებიც.

რამდენიმე წუთის წინ, ბეშუმში, ტრადიციის თანახმად ერთმა წყვილმა იქორწინა. დაქორწინებულები ირაკლი ღარიბაშვილმა და აჭარის მთავრობის ხელმძღვანელბმა დაასაჩუქრეს.

დღესასწაულს დოღი დაასრულებს, რომელშიც მონაწილეობას 4 ხეობის წარმომადგენლები მიიღებენ.