თბილისში 27 წლის ორსულმა ქალბატონმა სასწრაფო დახმარების მანქანაში იმშობიარა. ინფორმაცია „ნიუპოსტს“ სასწრაფო დახმარების ცენტრის პრესსამსახურში დაუდასტურეს. მათი ინფორმაციით, სასწრაფოდ ბრიგადა ვარკეთილში იყო გამოძახებაზე მისული, სადაც გოგონა მათ ტკივილებით დახვდათ.

პაციენტი დიღომში მდებარე კლინიკაში უნდა გადაეყვანათ, თუმცა ექიმებს მისი მშობიარობა გზაში, მანქანაში მოუხდათ.

სასწრაფო დახმარების მანქანაში 48 სმ და 2700 გრ. წონის გოგონა დაიბადა. ამ დროისთვის დედაც და ჩვილიც თავს კარგად გრძნობენ. ისინი რეფერალურ კლინიკაში გადაიყვანეს.