ბათუმის მერის მოადგილისთვის წარმოუდგენელია ის აჟიოტაჟი, რაც კონცერტის გამართვასთან დაკავშირებით "რუსთავი 2"-მა ატეხა.

ამის შესახებ ბაგრატ მანველიძე ჟურნალისტებთან საუბრისას განაცხადა.

„ანბანის კოშკის მიმდებარე ტერიტორია 1-2-3 აგვისტოს დიდი ხნით ადრე იყო დაკავებული. აქტარდება ქორეოგრაფიული და ვოკალური ანსამბლის "ბათუმის" კონცერტი. 4 აგვისტოსთვის ტერიტორია თავისუფალია და არავითარი პრობლემა არ არსებობს, რომ დაცული იყოს მოქალაქეთა კონსტიტუციური უფლება და 4 აგვისტოს ჩატარდეს ღონისძიება. ჩვენ გამოვყოფთ მერიიდან წარმომადგენელს, რომ უზრუნველყოს ამ ღონისძების ღირსეულად ჩატარება", - აღნიშნა ბაგრატ მანველიძემ.