ჩუღურეთის რაიონში, უზნაძის#4, მნათობის#80, ჩხეიძის, გედევანიშვილის, ნინოშვილის ქუჩებსა და რომის#4-ში სპორტული მოედნების აღდგენა-რეაბილიტაცია დასრულდა. განახლებული სტადიონები ჩუღურეთის რაიონის გამგებელმა ზურაბ ჩიკვილაძემ დაათვალიერა.

„სპორტული მოედნების რეაბილიტაცია-აღდგენა, კეთილმოწყობილი ინფრასტრუქტურა, ახალგაზრდებში ჯანსაღი ცხოვრების წესის დანერგვას შეუწყობს ხელს'', - განაცხადა ზურაბ ჩიკვილაძემ.

სარეაბილიტაციო სამუშაოების ფარგლებში გამოიცვალა ხელოვნური, მწვანე საფარი, განახლდა მოედნების კარები და საკალათბურთო ფარები; არსებული ლითონის კონსტრუქცია ახალი, თანამედროვე ლითონისა და პლასტმასის შერეული კონსტრუქციით შეიცვლება. სამუშაოები შპს „კვადრელმა“ შეასრულა.

პროექტის საერთო ღირებულება 162 768 ლარია. 2015 წლის ბოლომდე ჩუღურეთის რაიონში 11 სტადიონის აღდგენა-რეაბილიტაცია იგეგმება.