ე.წ. კანონიერ ქურდს ბადრი კოღუაშვილს ლგბტ პირის ცემისთვის ასამართლებენ

კრიმინალი - 19:59, 29 Jul, 2015

13254

ქურდული სამყაროს ლიდერები, რომელთაც საკმაოდ დიდი კაპიტალი აქვთ, ცდილობენ ციხის გისოსებიდან დროზე ადრე გაათავისუფლონ ე.წ. კანონიერი ქურდი ბადრი კოღუაშვილი (ბადრი ქუთაისკი).

როგორც რუსული მედია წერს, ცნობილი ე.წ. კრიმინალური ავტორიტეტები შაქრო კალაშოვი, როვშან ჯანიევი და მერაბ ჯანგველაძე არაფერს დაზოგავენ, როგორი დიდი თანხაც არ უნდა იყოს, რათა ბადრი, რომელმაც თავისი 7-წლიანი პატიმრობის ვადის ნახევარზე მეტი განვლო, ავადმყოფობის გამო უახლოეს მომავალში ციხიდან გამოვიდეს.

ე.წ. კანონიერი ავტორიტეტების ბიუჯეტი ასეთი აქტუალური არ იქნებოდა, კოღუაშვილის გათავისუფლებას წინ სახელმწიფო მანქანა რომ არ აღდგომოდა. სანამ კრიმინალები სისტემაში ხვრელს ეძებდნენ, სახელმწიფო მანქანამ საკმაოდ ,,დახვეწილი“ მეთოდი გამოიყენა. ციხის ადმინისტრაციამ პროვოცირება გაუკეთა ბადრის მიერ თანამოსაკნის ცემას.

გავრცელებული ინფორმაციით, მას შემდეგ რაც ბადრი კოღუაშვილი აღმოჩნდა კრასნოიარსკის ციხის საავადმყოფოში, რაც ერთ-ერთი მნიშვნელოვანი ეტაპი იყო მისი განთავისუფლებისთვის, მის პალატაში ჩაასახლეს პატიმარი ,,ჩაშვებულთა“ კატეგორიიდან. როგორც კი ბადრიმ შეიტყო მისი ,,მეზობლის“ შესახებ, ე.წ. კანონიერმა ქურდმა მას მოსთხოვა სხვა ადგილას მოეძებნა საწოლი, რაზედაც ცინიკურად იგივე პასუხი მიიღო - თავად დაეტოვებინა საწოლი და გადასულიყო. შედეგად, კამერებმა დააფიქსირეს ბადრის მიერ არატრადიციული ორიენტაციის მქონე პირის ცემა, რაც ,,ჩაშვებულის“ ჩვენებასთან ერთად ახალი სისხლის სამართლის საქმის აღძვრის საფუძველი გახდა. საქმეს კრასნოიარსკის სასამართლო იხილავს.

ამასთან ერთად ბადრი კოღუაშვილმა, მიუხედავად თავისი ტოლერანტულობისა, აიმხედრა ლგბტ მოძრაობის ყველა წარმომადგენელი, რითაც მისი ძველისძველი მტრები მშვენიერ სიტუაციაში აღმოჩნდნენ.