მთავრობის ხვალინდელ სხდომაზე მარტოხელა პენსიონერებისთვის სოციალურ ბაზაში კოეფიციენტი გაზრდის შესახებ იმსჯელებენ.

საუბარია იმ მარტოხელა პენსიონერებზე, რომელთაც ახალი სქემის შემუშავების შემდეგ შემწეობა მოეხსნათ. მას შემდეგ რაც ახალი სისტემა ამოქმედდება მათ დახმარება კვლავ დაენიშნებათ და აუნაზღაურდებათ ის თანხაც, რაც შემწეობის მოხსნის შემდეგ ვერ აიღეს.

„ჩვენ ვცდილობთ ჩვენი იდეოლოგია მოვარგოთ მოსახლეობის საჭიროებებს. იმ მარტოხელა პენსიონერებს, რომლებსაც შეუწყდათ შემწეობის მიღება, მათ აღუდგებათ ეს. ასევე წინა თვეებში, როდესაც მათ ეს შემწეობა არ ეძლეოდათ, გავაკეთებთ ამ თანხების კომპენსაციას“, - აცხადებს ჯანდაცვის სამინისტროს სოციალური დაცვის დეპარტამენტის უფროსი ნინო ოდიშარია.