ს.ს. „თელასი“ ჩოჩიშვილის სახელობის ძიუდოს აკადემიის დარბაზში ელექტროენერგიის გათიშვის გამო განმარტებას აკეთებს.

„დღეს, 28 ივლისს 12:35 საათზე ავარიულად გამოირთო 110 კილოვოლტიანი გადამცემი ხაზი „დიღომი 102“, რომლითაც ელექტროენერგია ქვესადგურ „დიღომი-1“-ის მომხმარებელს მიეწოდებოდა.

ამის გამო ელექტრომომარაგება დროებით შეეზღუდა საბურთალოს რაიონის დაახლოებით 15 ათას აბონენტს, მათ შორის ოლიმპიურ ობიექტს ჩოჩიშვილის სახელობის ძიუდოს აკადემიის დარბაზს.

ელექტროენერგიის მიწოდება აბონენტებისთვის 13 წუთში, 12:48 საათზე სარეზერვო კვებაზე გადართვით აღდგა.

ამჟამად შემთხვევის ადგილზე ავარიის მიზეზების დასადგენად და აღდგენითი სამუშაოების ჩასატარებლად სს „თელასის“ ტექნიკური სამსახური მუშაობს“, - ნათქვამია „თელასის“ განცხადებაში.