დედამიწის შემსწავლელი მეცნიერებათა ინსტიტუტი ორკვირიანი კვლევის შედეგებს აქვეყნებს, რომელიც ახალდაბის მიმდებარე ტერიტორიაზე ჩატარდა. როგორც ინსტიტუტში აცხადებენ, კვლევის დროს მაქსიმალურად იყო გამოყენებული ყველა თანამედროვე ტექნოლოგია, რომ ობიექტური სურათი დადებულიყო, თუ რამდენად არსებობს ტერიტორიაზე მეწყერის განმეორების საფრთხე.

როგორც დედამიწის მეცნიერებათა შემსწავლელი ინსტიტუტის დირექტორი აცხადებს კოჯრის მთაზე არის დარჩენილი მიწის მასა, რომელიც ისევ აქტიურია. მისი თქმით, მეწყერის გამეორების ალბათობა არსებობს, რადგან შესაძლოა ეს მასა ჩამოიშალოს.

„დაახლოებით 360 ათასი მეტრ კუბი მასალის, არის კიდევ დარჩენილი. ეს არის არა მყარ და არასტაბილურ მდგომარეობაში, რომელიც ხელშემწყობი პირობების შემთხვევებში, ვგულიხსმობ უხვი ნალექს და ძლიერ მიწისძვრას, შესაძლებელია მასის დაძვრა გამოიწვიოს. კვლევები ჩასატარებელია სხვა უბნებზეც და მთლიანად ვერეს ხეობა არის გამოსაკვლევი“, - ამბობს თეა გოდოლაძე.